AZ
RU
9 min əhali yaşayan ərazi Sumqayıta verildi
Binəqədi və Abşeron rayonlarının bəzi əraziləri Sumqayıtın inzibati ərazisinə verilib.
Yenixeber.org xəbər verir ki, bu, Milli Məclisin plenar iclasında müzakirəyə çıxarılan “Bakı şəhəri Binəqədi rayonunun, Sumqayıt şəhərinin və Abşeron rayonunun sərhədlərinin müəyyənləşdirilməsi haqqında” qanun layihəsində əksini tapıb.
Layihədə qeyd edilib ki, Binəqədi qəsəbəsinin ərazisindən 1213 ha torpaq sahəsi, Abşeron rayonunun inzibati ərazisində yerləşən 375 ha və 2223,67 ha torpaq sahəsi Sumqayıt şəhərinin inzibati ərazisinə verilir.
Deputat Siyavuş Novruzov qeyd edib ki, bu gün o ərazidə 9 min əhali yaşayır: “Onların bütün sosial təminatı, kommunalı, hüquq-mühafizə orqanları, səsvermələri və s. bütün məsələləri Sumqayıtda olur. Amma xəritədə o ərazilər Binəqədi və Abşeron ərazisi kimi göstərilir. Məhz buna görə Prezident İlham Əliyev tərəfindən xəritələrin dəqiqləşdirilməsi ilə bağlı təşəbbüs irəli sürüldü”.
