Yenixeber.org: O dövrdə həyatın bütün sahələri diqqətlə tənzimlənir, hər bir insanda ədəb hissinə riayyət olunurdu. Hətta quldurlar və xuliqanlar krallığı da özlərinin sərt qaydalarına əməl edirdi.
Təkbətək döyüş
Təkkbətək davaya müdaxilə etmək, hətta keçədə qrup halında hücuma keçmək ayıb sayılırdı. Lakin problemlərini başqalarının köməyi ilə həll etmək istəyənlər də olub. Təkbətək döyüşməkdən imtina etdikləri üçün onları qorxaq adlandıraraq dərhal öz yerinə otuzdururdular. Buna baxmayaraq, yaşlı yoldaş həmişə gəncin müdafiəsinə qalxa bilərdi. "Rus yeddiliyi" nəşrinin məlumatına görə, istisna kütlənin döyüşləri zamanı olurdu. Burada iştirakçıların sayı həmişə nəzərə alınmırdı. Ədalətli duelə üstünlük verilirdi, yəni beşə qarşı beş və ya ona qarşı on.
Silahlar qadağan idi
Şərəf kodeksi döyüş qaydalarını aydın şəkildə müəyyən edirdi. Nəciblik sovet məktəbliləri tərəfindən yüksək ehtiramla qarşılanırdı. Dəyənək, bıçaq, zəncir və başqa silahlar atılmalı idi. Xuliqan silahdan istifadə etməsə belə, döyüşə onun gətirilməsi dəhşətli nəticələrə səbəb ola bilərdi. Yıxılan rəqibə zərbə endirmək, təpikləmək, qasıq nahiyəsini nişan almaq, dişləmək qadağan idi. Mübarizə ilk damla qana və ya düşmənin mərhəmət diləməsinə qədər davam edə bilərdi.
Xəyanət bağışlanmaz idi
Bu məcəllənin mühüm aspekti "xəbər verənlərə" aiddir. “Xəbər verənləri” sevmirdilər, onlara nifrət edirdilər. Onlarla salamlaşmır, danışmır, dostluq etmir və hətta döyüşmürdülər, çünki belə ünsiyyət onların ləyaqətindən aşağı idi.
Qadınlara xüsusi diqqət
Məktəbli qızlara sataşmaq meylinə baxmayaraq, gənclər qadınlara xüsusi hörmətlə yanaşırdılar. Onlara qarşı heç vaxt əl qaldırmazdılar. İki qız dalaşırdısa, oğlanlar münaqişənin böyüməməsi üçün müdaxilə edərdilər. Üstəlik, qızı evə aparan, hətta başqa rayondan və ya mahaldan onu müşayiət edən oğlana həmişə hörmətlə yanaşardılar.