ABŞ-ın Pensilvaniya ştatının Falls Taunşip şəhərində naməlum silahlı şəxsin hücumu nəticəsində 3 nəfər həlak olub.

Yenixeber.org: Məlumata görə, bir neçə növ silahla silahlanmış naməlum şəxs oğurlanmış avtomobillə şəhər ətrafında hərəkət edir. O, artıq şəhərin müxtəlif yerlərində bir neçə hücum həyata keçirib.

Atışma Müqəddəs Patriarx Günü tədbirinin keçirildiyi yerin yaxınlığında baş verib. Təşkilatçılar tədbiri ləğv etməyə məcbur olublar.

Yaxınlıqdakı ticarət mərkəzləri bağlanıb. Polis həyəcan elan edib və sakinləri cinayətkarın axtarışı davam etdiyi müddətdə evlərinə qapanmağa və çölə çıxmamağa çağırıb.

***

Pensilvaniya ştatında atışmada şübhəli bilinən şəxs bir neçə nəfəri girov götürərək Nyu Cersi ştatının Trenton şəhərindəki evdə barrikada qurub.

Bu barədə yerli hakimiyyət orqanları məlumat yayıb.

Bildirilir ki, 26 yaşlı Andre Qordon Pensilvaniya ştatında avtomobil oğurlayaraq ərazini tərk edib. Trentondakı evlərdən birində saxlanılan girovların sayı məlum deyil.

Əməliyyatı Federal Təhqiqatlar Bürosunun (FTB) əməkdaşları həyata keçirir.

Yerli hakimiyyət orqanlarının məlumatına görə, atışma zamanı həlak olanların hamısı atəş açan şəxsin tanışları olub.(“Foks 29”)