AZ
RU
İki cüdoçumuz “Böyük Dəbilqə”ni medalsız başa vurdu
Fransanın paytaxtı Parisdə start götürən “Böyük Dəbilqə” turnirinin ilk günü Azərbaycan idmançıları üçün uğursuz alınıb.
Yenixeber.org xəbər verir ki, 60 kq çəkidə mübarizə aparan Nazir Talıbov və Əhməd Yusifov yarışı medalsız başa vurublar.
Qeyd edək ki, üç gün davam edəcək yarışda Azərbaycanın daha 7 cüdoçusu tatamiyə çıxacaq. Qarşıdakı günlərdə Rəşid Məmmədəliyev, İbrahim Əliyev (hər ikisi 73 kq), Zelim Tçkayev, Səid Mollayi (hər ikisi 81 kq), Vüqar Talıbov, Elcan Hacıyev (hər ikisi 90 kq) və Uşanqi Kokauri (+100 kq) qüvvələrini sınayacaqlar.
