AZ
RU
İsrail HƏMAS-ın onlarla döyüşçüsünü məhv etdi
İsrail qırıcıları Qəzza zolağında bir çox hədəfləri vurub, Fələstinin HƏMAS hərəkatının onlarla döyüşçüsü məhv edilib.
Yenixeber.org xəbər verir ki, bu barədə İsrail Müdafiə Ordusunun (IDF) Mətbuat xidməti bildirib.
“IDF HƏMAS-ın Qəzza zolağındakı terror obyektlərinə zərbələr endirməyə davam edir, “Nuhba”nın (HƏMAS-ın elit bölməsi-red.) onlarla terrorçusu məhv edilib”, - məlumatda deyilir.
Xatırladaq ki, oktyabrın 7-də İsrail ərazisi Qəzza zolağından raket atəşinə tutulub. Qəzza zolağına nəzarət edən HƏMAS hərəkatı İsrailə qarşı genişmiqyaslı hərbi əməliyyata başladığını bildirib. Bunun ardınca İsrail ordusu Qəzza zolağında “Dəmir qılınclar” adını verdiyi hərbi əməliyyata başlayıb.
