AZ
RU
Zelenski Türkiyənin xarici işlər naziri ilə görüşdü -FOTO
Ukrayna Prezidenti Volodimir Zelenski bu gün, avqustun 25-də Türkiyənin xarici işlər naziri Hakan Fidan ilə görüşüb.
Yenixeber.org: Bu barədə Ukrayna rəhbəri özünün feysbuk səhifəsində paylaşım edib.
Prezident Türkiyənin xarici işlər naziri ilə bir çox mühüm məsələləri müzakirə etdiyini bildirib.
“Sülh düsturu, Qlobal Sülh Sammitinə hazırlıq, Rusiyanın Qara Dəniz Taxıl Dəhlizinə mane olması ilə bağlı risklər”, - Zelenski yazıb.
O, Türkiyəyə Ukraynanın daimi və ardıcıl dəstəyinə görə təşəkkür edib.
Xatırladaq ki, iyul ayında Rusiya “taxıl müqaviləsi”ndən iddia edilən şərtləri yerinə yetirmədiyinə görə çıxdığını bəyan etmişdi. Eyni zamanda, Rusiya ordusu Ukraynanın cənubundakı Ukrayna limanlarını və taxıl infrastrukturunu atəşə tutmağa başlayıb.
Bu yaxınlarda Türkiyənin “taxıl müqaviləsi”nin yenilənməsi ilə bağlı təkliflər üzərində işlədiyi bildirilir. Bu məsələ ilə bağlı danışıqlar İstanbulda baş tuta bilər.
