Türkiyənin xarici işlər naziri Hakan Fidan avqustun ikinci yarısında Bağdada səfər edəcək.

Yenixeber.org:  Macarıstanda həmkarı Peter Siyarto ilə görüşən Türkiyə XİN başçısının növbəti səfər edəcəyi ölkə İraq olacaq.

İraq Xarici İşlər Nazirliyinin sözçüsü Əhməd Əl-Səhaf Hakan Fidanın səfəri ilə bağlı açıqlama verib. Baş nazirin müavini və xarici işlər naziri Fuad Hüseynin bu yaxınlarda Türkiyənin İraqdakı səfiri Əli Rza Güneyi qəbul etdiyini bildirən Əl-Səhaf bu görüşdə Bağdad və Ankara arasında əməkdaşlıq məsələlərinin nəzərdən keçirildiyini bildirib.

Əl-Sahaf həmçinin vurğulayıb ki, görüşdə ikitərəfli münasibətlərin iki dost xalqın mənafeyinə xidmət edəcək şəkildə möhkəmləndirilməsi və inkişaf etdirilməsi yolları da müzakirə olunub. Bu çərçivədə Türkiyə XİN rəhbərinin İraqa gözlənilən səfəri də müzakirə edilib. XİN rəsmisi Fidanın bu ayın ikinci yarısında Bağdada səfəri zamanı Prezident Rəcəb Tayyib Ərdoğanın səfər tarixinin də dəqiqləşdirilməsinin gözlənildiyini deyib