İsveçin xarici işlər naziri Tobias Billström İslam Əməkdaşlıq Təşkilatına (İƏT) üzv olan ölkələrin səfirləri ilə görüş keçirib. Bu görüş zamanı Qurani-Kərimin nüsxələrin yandırılması və ölkədə baş verən təzahürlərlə bağlı İsveç hakimiyyətinin mövqeyini izah edib.

Yenixeber.org: İsveç Xarici İşlər Nazirliyinin rəhbəri müsəlman ölkələri ilə əlaqələrin qurulmasına xüsusi diqqət yetirəcək.

"Etimadın bərpası tez bir iş deyil. Mandatımın bir hissəsini əlaqələrin bərpasına həsr edəcəyəm. Mən bu ölkələrə səfər etmək niyyətindəyəm və sentyabrda biz onları BMT Baş Assambleyasının Nyu-Yorkda keçiriləcək yüksək səviyyəli sessiyası çərçivəsində danışıqlara dəvət edəcəyik", - nazir bildirib.

T.Billström vurğulayıb ki, krallıq hökuməti birmənalı olaraq Quranın yandırılması ilə bağlı hərəkətləri qəbul etmir: “Ədliyyə Nazirliyinə ictimai asayiş haqqında qanuna yenidən baxılması məsələsini nəzərdən keçirmək tapşırılıb. İƏT-ə üzv ölkələrin səfirləri ilə görüşlərimiz konstruktiv keçdi. Onlar vəziyyətimizi öz ölkələrində izah etməkdə mühüm rol oynayırlar”.