AZ
RU
Putin meydana gəldi və oxudu...
Rusiya Prezidenti Vladimir Putin Krımın anneksiyasının 10 illiyi ilə bağlı Qırmızı Meydanda təşkil edilən mitinq-konsertə son prezident seçkilərində rəqibi olan digər üç namizəd - Nikolay Xaritonov (Kommunist Partiyası), Vladislav Davankov (Yeni İnsanlar) və Leonid Slutski (RLDP) ilə birgə gəlib.
Yenixeber.org: Bu barədə Vladimir Putin Qırmızı Meydanda çıxışında deyib.
“Mən onları bugünkü bayram tədbirinə gəlməyə dəvət etdim. Bu, onlar üçün gözlənilməz oldu. Bizim milli məqsədlərə nail olmaq üçün müxtəlif yanaşmalarımız, amma bir Vətənimiz var”, - Putin bildirib.
Putin seçkidəki rəqibləri və müğənni Qriqori Lepslə Rusiyanın dövlət himnini ifa edib.
Sonra Krımın və Sevastopolun Rusiyaya birləşdirilməsinin ildönümü münasibətilə hamını təbrik edib və sözü Xaritonov, Davankov və Slutskiyə verib.
