Ermənistanın bir neçə gün öncə istefa verən keçmiş iqtisadiyyat naziri Vahan Kerobyan jurnalistlərə deyib ki, ona qarşı açılan məhkəmə işini siyasi hesab etmir.

Yenixeber.org: O əlavə edib ki, bu postda özünə layiqli əvəzləyici görür. Amma eyni zamanda o, jurnalistlərə sual verib ki, artıq kiminsə təyinatı olub? Sabiq nazir təsdiqləyib ki, o, istefa təklifini baş nazirin aparat rəhbəri Arayik Arutyunyandan alıb və Paşinyanın özünün də prosesə heç bir aidiyyatı yoxdur.

Ermənistanın keçmiş iqtisadiyyat naziri Vahan Kerobyan Korrupsiyaya Qarşı Mübarizə Məhkəməsinin qərarı ilə 2 ay müddətinə ev dustaqlığına buraxılıb. Ona evdən çıxmaq, kimisə qəbul etmək, kiminləsə ünsiyyət qurmaq qadağandır. Təcili yardım çağırmaq kimi fövqəladə hallar istisna olmaqla, yazışmalar və telefon danışıqları qadağandır. Onun digər ünsiyyət vasitələrindən istifadə etməsi də qadağandır.

Kerobyan özü ona qarşı irəli sürülən ittihamı qəbul etmir. O, müdafiəsinin məhkəmə hökmündən apellyasiya şikayəti verməsini təklif edib. Hakimdən belə bir qərarın onun üçün gözlənilib-gözlənilməməsi ilə bağlı sualı cavablandıran eks-nazir bundan sonra hara aparılacağını bilməyib.

Hökm elan olunanda Kerobyan tək olub, məhkəmə zalında heç bir vəkil yox idi. Amma jurnalistlər iştirak edib. Əvvəllər belə təcrübə olmayıb, belə iclaslar həmişə mətbuata qapalı olub.("Sputnik Armenia")