AZ
RU
Fransa səfirinə 2 sutka vaxt verildi
Nigerdə hakimiyyəti ələ keirçən qiyamçılar Fransanın bu ölkədəki səfiri Silven İtteni diplomatik toxunulmazlıqdan məhrum edib.
Yenixeber.org: Məlumata görə, səfirdən 48 saat ərzində ölkəni tərk etməsi tələb edilib.
Niger Daxili İşlər Nazirliyindən jurnalistlərə bildirilib ki, Fransa səfiri “artıq diplomatik toxunulmazlığa malik deyil, onun diplomatik kartı və vizaları ləğv edilib”.
Məlumata görə, yerli polis artıq fransalı diplomatın deportasiyası prosesinə başlamaq üçün göstəriş alıb.
Bundan əvvəl Niger qiyamçıları Fransa ilə bütün təhlükəsizlik və hərbi müqavilələri ləğv etdiklərini bəyan ediblər.("Sky News Arabia")
