Ukraynada müxtəlif hesablamalara görə, yeddi milyondan 22 milyona qədər insan koronavirusa yoluxa bilər.

Yenixeber.org: Bu barədə məlumatı Səhiyyə Nazirliyinin Sağlamlıq Mərkəzinin baş direktoru əvəzi İqor Kuzin Ukrayna kanalında Savik Şusterin “Söz Azadlığı” proqramında deyib.

“Koronavirusun inkişafı ilə bağlı vəziyyəti dövlətimizin səviyyəsində modelləşdirsək, Ukraynadakı əhali arasında yeddi milyondan 22 milyona qədər xəstə olmalıdır. İndi bu infeksiyadan orta ölüm nisbəti 1% səviyyəsindədir.. Bu, yayımlanan məlumatların xülasəsidir. Bir çox insan həqiqətən belə bir pandemiyadan sonra sağ qalmaya bilər” deyib.

Onun sözlərinə görə, zaman keçdikcə koronavirus aktivliyini azaldacaq.

“Elmi məqalələrdə dərc edilmiş məlumatlara görə, bir insan üç aydan sonra yenidən xəstələnə bilər. Çox güman ki, bu, hər il dolaşacaq infeksiya olacaqdır. Hər il qarşılaşdığımız adi qripə çox oxşayacaq” deyib.

Xatırladaq ki, 27 mart axşamı Ukraynada 310 yoluxma hadisəsi qeydə alınıb, onlardan beşi ölümlə nəticələnib.(konkret)

Babək Göyüş