Ukrayna Milli Polisi sədrinin müavini, Kiyev polisinin rəisi Andrey Krişenko koronavirusa yoluxub.

Yenixeber.org: Bu haqda məlumatı Daxili İşlər Naziri Arsen Avakovun müşaviri Anton Qeraşenko Facebook səhifəsində yayıb.

Bundan əlavə, iki polis və bir kursantda da koronavirus təsdiqlənib. Belə ki, xəstəliyin ilk halı İvano-Frankovskdakı yerli polis məmurunda, ikincisi isə Kiyev polisi idarəsinin rəisində aşkarlanıb.

Bu gün xəstəlik Berdyansk polis idarəsində təcrübə keçən bir laboratoriya kursantında da təsdiqlənib.

Qeraşenko deyib ki, nə Krişenko, nə onun ailə üzvləri son bir ay ərzində xaricdə olub.

İndi paytaxt polisi rəhbərinin vəziyyəti qənaətbəxşdir və vəzifəsini uzaqdan icra edir.

Mənbə bildirir ki, paytaxt qərargahının binaları dezinfeksiya edilir.

Daha əvvəl Kiyevdə COVID-19 virusuna yoluxanların sayının 55 nəfərə çatdığı bildirilmişdi. Ötən gün ərzində 8 nəfər yoluxub. Xəstələnənlərdən ikisi Aleksandrovski, ikisi paytaxtdakı 4 nömrəli, ikisi Daxili İşlər Nazirliyinin xəstəxanasındadır, daha iki nəfər evdə özünü təcrid edib.