AZ
RU
Rusiya, Çin və İran Qərbi Tehranla nüvə sazişinin bərpasına çağırıb
Rusiya, Çin və İran Qərb ölkələrini İslam Respublikasının nüvə proqramı ətrafında münaqişənin diplomatik həllini nəzərdə tutan Birgə Hərtərəfli Fəaliyyət Planını bərpa etməyə çağırıb.
Yenixeber.org xəbər verir ki, bu barədə 3 ölkənin Atom Enerjisi üzrə Beynəlxalq Agentliyinin İdarə Heyətinin altıncı iclasına həsr olunmuş birgə bəyanatında deyilir.
"Çin Xalq Respublikası, İran İslam Respublikası və Rusiya Federasiyası əmindirlər ki, Qərb ölkələri siyasi iradə nümayiş etdirməli, tərəflərin iki ilə yaxındır, çıxış yolu tapa bilmədiyi davamlı eskalasiya dövrünü dayandırmalı, təşəbbüs göstərməli və Birgə Hərtərəfli Fəaliyyət Planını canlandırmaq üçün lazımi addımlar atmalıdırlar. Bunu etmək hələ də mümkündür", - sənəddə qeyd olunur.(Tasnim)
