AZ
RU
Xaricdən gətirilən ərzaq məhsullarının nə qədər bahalandığı açıqlandı –Qiymətlər
Bu ilin yanvar-may aylarında xarici ölkələrdən Azərbaycana 875 milyon 67,1 min dollar dəyərində yeyinti məhsulları gətirilib.
Yenixeber.org: Ötən ilin eyni dövrü ilə müqayisdə idxal olunan yeyinti məhsulları dəyər ifadəsində 16% artıb.
İlin ilk 5 ayında ən çox buğda və meyvə-tərəvəz idxal olunub.
Belə ki, bu ilin yanvar-may aylarında Azərbaycana xaricdən 124 milyon dollar dəyərində 355,6 min ton buğda, 119,4 milyon dollar dəyərində 209,7 min ton meyvə-tərəvəz gətirilib.
Nəticədə idxal olunan buğdanın 1 kiloqramının gömrük dəyəri 35 sent (59 qəpik), meyvə-tərəvəzin 1 kiloqramının gömrük dəyəri isə 57 sent (97 qəpik) olub. Ötən ilin eyni dövrü ilə müqayisədə həm buğdanın, həm də meyvə tərəvəzin gömrük dəyəri artıb.
Son 2 ilin yanvar-may aylarında idxal olunan yeyinti məhsullarının gömrük dəyəri aşağıdakı kimi olub:
| 2021 Yanvar-May |
2022 Yanvar-May |
|
| Buğda (1 kq) | 43 qəpik | 59 qəpik |
| Meyvə-tərəvəz (1 kq) | 91 qəpik | 97 qəpik |
| Ət (1 kq) | 3 manat | 3 manat |
| Süd və qaymaq (1 kq) | 2,5 manat | 2,5 manat |
| Kərə yağı ( 1 kq) | 8,3 manat | 9,4 manat |
| Çay (1 kq) | 6,8 manat | 8,4 manat |
| Düyü (1 kq) | 1,25 manat | 1,4 manat |
| Bitki yağı (1 kq) | 1,3 manat | 2,8 manat |
