AZ
RU
Baş nazirinin son durumu belədir-AÇIQLAMA
Yeni növ koronavirus diaqnozu qoyulan Rusiyanın baş naziri Mixail Mişustin iş prosesində fəal iştirak edir və tabeliyində olanlarla daim əlaqə saxlayır.
Yenixeber.org: Bu sözləri Rusiya Maliyyə naziri Anton Siluanov deyib.
O, bildirib ki, heç kim virusa yoluxmaqdan sığortalanmayıb: “Onun tez bir zamanda sağalmasını arzu edirəm. Əminəm ki, tezliklə hökumətdə görüşəcəyik. Baş nazir telefonla daim əlaqə saxlamaqla yanaşı iş prosesində də fəal iştirak edir”.
Nazir əlavə edib ki, hökumət artıq bir neçə həftədir ki, əsasən videokonfranslar vasitəsilə işləyir və bu format yaxın gələcəkdə də davam edəcək.
“Hökumətdə hamı bir-birini eşidir. İndi bu xüsusilə vacibdir - qərarlar tez qəbul edilməlidir. Hökumət həmişə fərqli fikirləri müzakirə edir. Əsas məsələ çətin qərarları verməkdir. Komanda işinin mənası budur” - deyə, nazir qeyd edib.
