ABŞ-ın Federal Ehtiyat Sistemi (FED) pul bazarında sabitlik yaratmaq üçün dövlət istiqrazlarını geri almaqda davam etsə, bu, dolların digər xarici valyutalar qarşısında məzənnəsini ən aşağı həddə salar. 

Yenixeber.org: Bu proqnozla ölkənin maliyyə konqlemeratı – “Morgan Stanley”nin meneceri Hans Redeker çıxış edib.

Ekspert bildirib ki, söhbət təxminən 250 milyard dollarlıq alışdan gedir: “Bu da son nəticədə dollar indeksini bu ilin sonuna qədər 95 bəndə, gələn ilin sonuna qədər isə 91 bəndə endirə bilər. Hazırda isə sözügedən göstərici 99-100 bənd arasındadır”.

H. Redekerin fikrincə, FED həyata keçirdiyi pul siyasətinin məqsədlərinə çatmaq üçün dövriyyədə olan pul kütləsini 1,5 trilyon dollara çatdırmalıdır.