AZ
RU
Ermənistan Bakının tələbini qəbul etməyə məcbur olub...
Ermənistan ATƏT-in Minsk qrupunun sülh sazişinin imzalanmasından sonra ləğv edilməsini istəyirdi.
Yenixeber.org: Bunu erməni politoloq Akop Badalyan deyib.
“ATƏT-in Minsk qrupunun ləğvinə qədər baş verən proseslər, xüsusilə avqustun 8-də sülh sazişinin paraflanmasından sonra baş verənlər diqqət çəkir. İrəvan bundan öncə bəyan etmişdi ki, sülh sazişi imzalanmayana qədər qrupun ləğv edilməsinin tərəfdarı deyil. İrəvan bu sənədi sülh sazişi ilə eyni anda imzalamağa hazır idi”, - ekspert bildirib.
Badalyan vurğulayıb ki, Azərbaycan Minsk qrupunun sülh sazişi imzalanana qədər ləğvinin tərəfdarı olub, Ermənistandan da bunu tələb edib. Başqa sözlə, Ermənistan Azərbaycanın tələbini qəbul etməyə məcbur olub.
Xatırladaq ki, ATƏT noyabrın 30-da Minsk qrupu və ona aid strukturların bağlanması prosesini başa çatdırıb. Bu, Ermənistan və Azərbaycanın ATƏT-ə sədrliyinə birgə müraciəti əsasında qəbul edilən Nazirlər Şurasının qərarına əsasən edilib.
