AZ
RU
Minsk Qrupundan YENİ XƏBƏR:Dekabra qədər buraxılacaq
“Rusiya Azərbaycan və Ermənistanın ATƏT-in Minsk Qrupunun buraxılması ilə bağlı birgə qərarını dəstəkləyir”.
Yenixeber.org: Bunu “RBK” portalına açıqlamasında Rusiyanın ATƏT yanında daimi nümayəndəsi Aleksandr Lukaşeviç deyib.
Onun sözlərinə görə, Minsk Qrupunun bu ilin dekabrına qədər tam ləğvi planlaşdırılır.
Lukaşeviç həmçinin qeyd edib ki, burada söhbət üç institutun – Minsk Qrupunun, ATƏT-in fəaliyyətdə olan sədrinin şəxsi nümayəndəsi vəzifəsinin və Yüksəksəviyyəli Planlaşdırma Qrupunun işinin dayandırılmasından gedir.
“Həmin təsisatların saxlanılmasının məqsədəuyğun olmamasına dair tərəflərin mövqeyini nəzərə alaraq, onların ləğvinə əngəl olmaq üçün hər hansı əsas görmürük”, - o bildirib.
Qeyd edək ki, bundan əvvəl Azərbaycan xarici işlər naziri Ceyhun Bayramov sentyabrın 1-də Minsk Qrupunun buraxılacağına dair qərarın veriləcəyinin gözlənildiyini bildirmişdi.
