AZ
RU
“Aqressiv oynadıq” - Ermənistanı məğlub edən millimizin baş məşqçisi
“Görüşə yüksək səviyyədə hazırlaşmışdıq. Rəqibin hücumlarının qarşısını almağa çalışırdıq. Bunu bacardıq”.
Yenixeber.org xəbər verir ki, bunu Basketbol Federasiyasına açıqlamasında Azərbaycanın 16 yaşadək qızlardan ibarət millisinin baş məşqçisi, Evren Alkaya deyib.
Türkiyəli mütəxəssis Avropa çempionatının C divizionunun ilk matçında Ermənistan üzərində qazanılan qələbəni şərh edib: “Müdafiədə aqressiv oynadıq, rəqibə rahat oynamaq imkanı vermədik. Hücumlarımızı məntiqi sonluqla başa vurmağı bacardıq. Ümid edirəm ki, nəticələrimiz uğurlu olacaq və çempionluq sevinci yaşayacağıq. Bu matçda qələbəyə inandıq və bunu bacardıq. Ermənistan üzərində qələbə Azərbaycan xalqına hədiyyə olsun”.
Qeyd edək ki, U-16 növbəti oyununu iyulun 10-da Gürcüstan, 11-də isə Kipr kollektivlərinə qarşı keçirəcək.
