AZ
RU
Qırğızıstan vətəndaşlarına Rusiyaya səfər etməməyi tövsiyə etdi
Qırğızıstan Xarici İşlər Nazirliyi vətəndaşlara müvəqqəti olaraq Rusiyaya səfərdən çəkinməyi tövsiyə edib.
Yenixeber.org xəbər verir ki, bu barədə Qırğızıstan XİN-in yaydığı məlumatda bildirilir.
“Nazirlik Rusiya Federasiyasına səfər etmək üçün üzrlü səbəbləri olmayan həmvətənlərinə əvvəllər tətbiq edilmiş əlavə təhlükəsizlik tədbirləri və dövlət sərhədindən girişə gücləndirilmiş nəzarət rejimi ləğv edilənə qədər müvəqqəti olaraq səfərdən çəkinməyi tövsiyə edir”, - departament qeyd edir.
Qeyd olunur ki, indiyədək “Qırğızıstan vətəndaşlarının respublikanın Rusiyadakı diplomatik nümayəndəlik və konsulluq idarələrinə” Rusiya Federasiyasına girişindən kütləvi şəkildə imtina halları ilə bağlı heç bir siqnal olmayıb.
Eyni zamanda, nazirlik tövsiyə edib ki, Qırğızıstan vətəndaşları tərəfindən “gözlənilməz hallar və ya təcili suallar” yaranarsa, respublikanın Moskvadakı səfirliyinin qaynar xəttinə müraciət etsinlər.
