AZ
RU
Yeni əlamətdar gün təqvimə salınır? -Milli Məclisdə təklif
Təqvimə Qərbi azərbaycanlıların deportasiyası gününün salınması təklif olunur.
Yenixeber.org xəbər verir ki, belə bir təkliflə Qərbi Azərbaycan İcmasının üzvü, Milli Məclisin deputatı Musa Quliyev parlamentdə “Keçmişdən gələcəyə çağırış: Qərbi Azərbaycana qayıdış fəlsəfəsinə gənclərin baxışı” mövzusunda keçirilən dinləmədə çıxış edib.
Deputat dinləmənin bugünkü günə salınmasının təsadüf olmadığını söyləyib: "Çünki məhz 1988-ci il dekabrın 6-da Nüvədi kəndi istisna olmaqla Qərbi Azərbaycandan azərbaycanlıların sonuncu deportasiyası başa çatdı. Bu gün də həmin deportasiyanın 35 ilidir. Ona görə də dekabrın 6-sı və ya bu ayın başqa gününün təqvimə Qərbi azərbaycanlıların deportasiyası günü kimi salınmasını təklif edirəm".
