AZ
RU
Ukraynada müharibədə ölən uşaqların sayı açıqlandı
Ukraynada müharibənin başlanmasından indiyə qədər 220 uşaq həlak olub, 406 uşaq isə müxtəlif dərəcəli xəsarətlər alıb.
Yenixeber.org: Bununla bağlı ölkənin Baş Prokurorluğu məlumat yayıb.
Uşaqların ən çox ölüb-yaralandıqları bölgələrin statistikası isə belədir: Donetsk vilayətində - 139, Kiyev vilayətində - 115, Xarkov vilayətində - 95, Çerniqov vilayətində - 68, Xerson vilayətində - 45, Nikolayev vilayətində - 43, Luqansk vilayətində - 37, Zaporojye vilayətində - 27, Sumı vilayətində - 17, Kiyev şəhərində - 16 və Jitomir vilayətində - 15.
Qeyd olunub ki, aktiv döyüş əməliyyatları aparılan bölgələrdə və müvəqqəti işğal olunmuş ərazilərdə atəşə tutulan yerləri yoxlamaq mümkün olmadığı üçün məlumatlar hələlik tam dəqiq deyil.
Həmçinin bildirilir ki, Rusiya Federasiyası Silahlı Qüvvələrinin gündəlik bombardmanları nəticəsində 1584 təhsil müəssisəsinə (118-i tamamilə yararsız vəziyyətə düşüb) ziyan dəyib.
