AZ
RU
Bəşər Əsədin əmisinə 4 illik həbs cəzası verildi-SƏBƏB
Suriyanın sabiq vitse-prezidenti, Bəşər Əsədin əmisi Rifət əl Əsəd barəsində həbs qərarı Paris Apelyasiya Məhkəməsi tərəfindən qüvvədə saxlanılıb.
Yenixeber.org: Bu barədə xarici KİV-lər xəbər verir. Ötən ilin iyun ayında Paris məhkəməsi R.Əsədi çirkli pul yuyulması, dövlət vəsaitlərini dağıtmaq, daşınmaz əmlakla qanunsuz əməliyyatlar aparmaq ittihamları ilə 4 illik həbs cəzasına məhkum edib. 84 yaşlı R.Əsəd dekabr ayından daxili qanaxma diaqnozu ilə xəstəxanada yatdığına görə məhkəməyə gəlməyib.
Qeyd edək ki, 1984-cü ildə o zaman ölkə prezidenti olmuş qardaşı Hafiz əl Əsədə qarşı təşkil etdiyi çevriliş cəhdi yatırıldığından, o, Suriyanı tərk edib. Fransada və İspaniyada xeyli daşınmaz əmlaka sahib olan R.Əsəd 2014-cü ildən Fransada istintaq altında olub.
