AZ
RU
XAMENEİ YENƏ ERMƏNİLƏRİN MÖVQEYİNDƏN ÇIXIŞ ETDİ -İndi də dözməyəcəyini deyir...
İranın dini rəhbəri Seyyid Əli Xamenei Zəngəzur dəhlizi ilə bağlı növbəti dəfə paylaşım edib.
Yenixeber.org: Xamenei öz "tvitter" hesabında Zəngəzur dəhlizinin açılmasını nəzərdə tutaraq hədələyici tonda bunları yazıb: “İslam Respublikası İran-Ermənistan sərhədinin bağlanmasına səbəb olacaq siyasət və ya planlara dözməyəcək”.
Xatırladaq ki, Əli Xamenei iki gün öncə Türkiyə prezidenti ilə görüşdən sonra da Zəngəzur dəhlizi ilə bağlı paylaşım edərək, buna qarşı çıxdığını bildirmişdi: "Biz Qarabağın Azərbaycana qayıtmasına sevinirik. Amma əgər İran-Ermənistan sərhədinin bağlanması siyasəti olarsa, İran buna qarşı çıxacaq. Ona görə ki, bu sərhəd bir neçə min illik əlaqə yoludur".
Xameneinin Zəngəzur dəhlizi məsələsində də ermənilrlə eyni mövqeydən çıxış etməsi təəccüblü deyil. Bu İran rejiminin İslam birliyindən, qardaşlığından danışarkən nə qədər saxtakar olduğunu bir daha ortaya qoyur.
Ancaq maraqlıdır, Zəngəzur dəhlizi açılanda Xamenei dözməyib neyləyəcək?
