“Anlamaq lazımdır ki, Belarusu müharibəyə cəlb etmək cəhdləri təkcə Moskvanın öz hərbi gücündəki defisiti qapatmaq istəyilə deyil”.

Yenixeber.org: Bunu Ukrayna Prezident Ofisi rəhbərinin müşaviri Mixail Podolyak özünün sosial şəbəkə səhifəsindəki paylaşımında bildirib.

Podolyak qeyd edib ki, Kremlin məqsədi Belarus ordusunu məhv etmək və Aleksandr Lukaşenko rejimini hərbi dayaqlarından məhrum etməkdir: “Rusiyaya Belarus ordusunu “utilizasiya” etmək və Lukaşenko rejimini dayaqsız qoymaq lazımdır. Ardınca Belarusu “udmaq” və Rusiya “Z - zombiləri” ilə işğal etmək”.

Xatırladaq ki, Ukraynada müharibə başlayandan sonra Lukaşenko qonşu ölkəyə Belarus ərazilərindən hücum üçün Rusiyaya şərait yaradıb. Lakin bununla yanaşı, Belarus Prezidenti Putinin təzyiqlərinə rəğmən, hələ ki, müxtəlif yollarla öz ordusunu Ukraynaya qarşı müharibədə birbaşa iştirakdan yayındırır. Lakin bu vəziyyətin nə vaxta qədər davam edəcəyi və Lukaşenkonun Moskvanın təzyiqlərinə nə qədər tab gətirəcəyi bilinmir.