Yenixeber.org: Bu barədə, hazırda Ermənistanda baş verən prosesləri şərh edən politoloq Əlimusa İbrahimov bildirib.

O qeyd edib ki, Paşinyanın Baş nazir postundan növbəti dəfə istefa verməsindən sonra Ermənistanda seçkiqabağı kompaniya bir qədər canlanıb:

“Söz yox ki, Paşinyana müxalif olan qüvvələrin əksər hissəsi belə şəraitdə seçkidə iştirak edərək qalib gəlməyi ağlabatan hesab etmirlər. Onlar növbədənkənar parlament seçkilərində iştirak etsələr də formal iştirak edəcəklər. Koçaryan isə seçki şousuna qatılmaqda bir qədər ciddidir. Onun seçkidə iştirak etmək istəməsinin səbəbi isə heç də özünün izah etdiyi kimi deyil. Onu seçkiyə çağırmırlar. O seçkidə iştirak etməyə məcburdur. Koçaryanın gələcək siyasi karyerası və ümumiyyətlə azadlıqda qalması seçkidə kimin qalib gəlməsindən daha çox asılıdır. Doğrusu Paşinyanın yeni qüvvə ilə hakimiyyətdə qalması ikinci prezidentin gələcəyə olan ümidlərini tam alt-üst edir”.

Politoloq vurğulayıb ki, Koçaryanın Rusiya Federasiyası Prezidenti Vladimir Putinlə dostluq əlaqələrinə bağladığı ümidlər də özünü doğrultmur:

“Putinə görə, böyük siyasətdə dostluğa yer yoxdur. Belə olan halda Robert Koçaryanın növbədənkənar parlament seçkisinə qoşulub axıra qədər mübarizə aparmaq daha perspektivli görünür, nəinki oturub Paşinyanın Koçaryanla bərabər Qarabağ erməni klanının axırına çıxmasını seyr etmək. Budur Robert Koçaryanı növbədənkənar seçkilərdə iştirak etməyə məcbur edən səbəb. Tərəfdarları ilə görüşdə isə o blef etməyə məcburdur. Amma o bu zaman da eyforiyaya girir və unudur ki, onun və digər erməni cəlladlarının Azərbaycan xalqının qanını tökdüyü illər, hakimiyyətdə olduğu dövr artıq geridə qalıb. İndi Azərbaycanın zamanı gəlib ki, bu cəlladların qanını töksün”.