AZ
RU
Türkiyə əllə toxunan xalçaların ixracını artıracaq
Yaxın illərdə Türkiyənin bir çox bölgələrində əllə xalça toxunması üçün yeni emalatxanalar qurulacaq
Yenixeber.org: Bu barədə qonşu ölkənin iqtisadiyyat naziri Nihat Zeybekçi açıqlama verib.
Onun sözlərinə görə, məqsəd Türkiyədə bu işlə məşğul olanların sayını 30 minə, əllə toxuma xalça ixracının dəyərini isə 1 mlrd. ABŞ dollarına çatdırmaqdır: “Bu rəqəm bir qədər əvvəl 1 mlrd. dollara yaxınlaşmışdı, sonradan 50-100 mln. dollar gerilədi. Hədəfimiz ixracda 1 mlrd. dolları keçməkdir”.
Qeyd edək ki, türkiyəli ustalar yun xalçaların toxunmasına 3-6 ay, ipək xalçaların toxunmasına isə 1-3 il vaxt sərf edir. Hazırda bu ölkənin istehsalı olan və əllə toxunan ipək xalçaların qiyməti 5-100 min lirə (2-43 min manat) arasında dəyişir. Onlar, təqribən, 30 ölkəyə ixrac edilir.
