"Qarşıdurmalarda minlərlə nümayişçi və hüquq-mühafizə orqanlarının əməkdaşı yaralanıb"

Yenixeber.org: Qaraqalpaqda iğtişaşlar nəticəsində 18 nəfər həlak olub. Bu barədə Özbəkistan Baş Prokurorluğunun departament prokuroru Abror Mamatov deyib. 

Onun sözlərinə görə, qarşıdurmalarda minlərlə nümayişçi və hüquq-mühafizə orqanlarının əməkdaşı yaralanıb.

Qeyd edək ki, Qaraqalpaqda iyulun 1-də Özbəkistan Prezidenti Şavkat Mirziyoyevin bölgəni ayrılma hüququndan məhrum etməklə bağlı Konstitusiya maddəsinin dəyişdirilməsini istəməsindən sonra etirazlar başlayıb.

Xatırladaq ki, Qaraqalpaq Respublikası 1936-cı ildə Özbəkistan SSRİ-nin tərkibinə daxil olub. SSRİ-nin dağılmasından sonra respublika Özbəkistanın tərkibində qalıb, lakin suverenlik hüququ əldə edə biləcəyi Özbəkistan Konstitusiyasında təsbit edilib.

İyunun 4-də məlum olub ki, Özbəkistan Parlamentinin aşağı palatası ölkə Konstitusiyasına dəyişikliklər layihəsində Qaraqalpaq Respublikasının suverenliklə bağlı Konstitusiyadakı müvafiq maddənin ləğv edilməsini istəyib. Deputatlar bu təşəbbüsü yekdilliklə dəstəkləyiblər.