AZ
RU
Almaniya Çini öz mövqeyindən sıxışdırıb çıxardı –Dünyada 1-ci oldu
2016-cı ildə Almaniya Federativ Respublikası (AFR) xarici ticarət profisitinə görə, Çini öz mövqeyindən sıxışdırıb çıxararaq, dünyada birinci pilləyə yüksəlib.
Xeberinfo.com: Bu barədə Almaniya iqtisadi araşdırmalar institutunun (İFO) məlumatında söhbət açılır.
İlkin hesablamalara görə, Almaniyada bu göstərici 268,0 milyard avro (297,0 milyard dollar) təşkil edib, Çində isə 245,0 milyard dollar olub.
2015-ci ildə xarici ticarət profisitinə görə, Çin dünya lideri olub, Almaniya isə ikinci sırada qərar tutub.
Almaniya iqtisadiyyat nazirliyinin bəyanatına görə, ölkədə bu göstəricinin artması bazar mexanizmlərinə siyasi müdaxilənin nəticəsi deyil və qlobal bazarda cərəyan edən proseslərlə bağlıdır. «Deutsche Welle»-n məlumatına görə, nazirlik bildirir ki, artıq cari ildə Almaniyanın ticarət balansında aktiv saldo göstəricisi müşahidə olunur.
İFO-nun hesablamalarına görə, bu göstərici üzrə dünyada ən böyük defisit ABŞ-da müşahidə olunub – 478,0 milyard dollar.
