AZ
RU
Rusiya hərbi cinayətlərdə günahlandırıldı
Fransa Xarici İşlər Nazirliyinin başçısı Jan-Mark Eyro Rusiyanın Suriya üzrə mövqeyini “ikiüzlü” adlandırıb.
Xeberinfo.com: TASS agentliyinə istinadən xəbərə görə, bu bəyanatı o, Fransanın “TV5 Monde” telekanalının efirində verib.
“Mən Rusiyanı konstruktiv mövqe tutmağa çağırıram, - Eyro deyib. – BMT TŞ-nin bütün üzvlərinin Hələbdəki vəziyyət üzrə bəyannamənin lehinə səs verməsi zəruridir. Xəstəxanalara endirilən zərbələr hərbi cinayətdir. Rusiya bu məsuliyyəti daşımağa hazırdır?”
“Rusiya Hələbdəki zərbələrinin effektivliyindən danışır, onların terrorçulara endirildiyini bildirir, - Fransanın xarici işlər naziri davam edib. – Lakin hadisə yerindən dəhşətli kadrlar gəlməkdədir. Söhbət mülki şəxslərdən gedir. Bu ikiüzlülüyə son qoymaq lazımdır”.
