AZ
RU
Obamadan Ərdoğana dəstək
ABŞ prezidenti Barak Obama və dövlət katibi Con Kerri telefonla Türkiyədəki vəziyyəti və dövlət çevrilişi cəhdini müzakirə ediblər.
Xeberinfo.com: Ağ Evdən bildirildiyinə görə, Vaşinqton tərəflərin təmkinli olacağına və qan tökülməsinə yol verməyəcəyinə ümid edir.
«Prezident və dövlət katibi razılaşıblar ki, Türkiyədə bütün tərəflər demokratik yolla seçilmiş hökuməti dəstəkləməli, təmkin nümayiş etdirməli zor tətbiqindən və qan tökülməsindən qaçmalıdırlar», - məlumatda deyilir.
Dövlət katibi Kerri hazırda Moskvada səfərdədir. Dövlət Departamentinin rəhbəri həmçinin Türkiyədə olan Amerika vətəndaşlarının təhlükəsizliyinin qorunmasının vacibliyini vurğulayıb.
