Mədəniyyətin və Milli Ənənələrin Təbliği İctimai Birliyi, Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Göyçə Aşıq Sənəti Ənənələri” adlı layihənin icrasını həyata keçirir.

Layihə çərçivəsində göyçə aşıq sənəti ənənələrini yaşatmaq və təbliğ etmək məqsədilə xüsusi videoçarx hazırlanıb. Videoçarxda bu qədim sənətin mahiyyəti, ənənələri, tarixiliyi və bu gün də davam etdirilməsinin əhəmiyyəti geniş şəkildə əks olunub.

Üç ay müddətində davam edən layihə, milli mədəni irsin qorunmasına, aşıq sənətinin müxtəlif formalarının öyrənilərək yeni nəslə ötürülməsinə xidmət edir.

Layihənin rəhbəri və İctimai Birliyin sədri Etibar Məmmədov layihə haqqında çıxışında qeyd edib:

“Göyçə aşıq sənəti ənənələri bizim milli mədəniyyətimizin vacib və davamlı bir hissəsidir. Biz mütləq şəkildə öz aşıq sənətimizi dərindən öyrənməli, bu qədim irsi enerjiyə davam edən yaradıcılıq gücünə çevirməli və gələcək nəsillərə ötürməliyik.”

Layihə çərçivəsində hazırlanan videoçarxın geniş auditoriyaya təqdim olunması, aşıq sənətinə marağın artırılması və bu ənənələrin yenidən canlandırılması istiqamətində mühüm addımdır.