AZ
RU
Türkiyə Ukrayna üzrə danışıqlara ev sahibliyi etməyə hazırdır
Türkiyə xarici işlər naziri Hakan Fidan Moskvada keçirilən danışıqlarda Ukrayna üzrə danışıqların yeni mərhələsinə ev sahibliyi etməyə və münaqişənin həllinə hər cür dəstək göstərməyə hazır olduqlarını təsdiqləyib.
Yenixeber.org xəbər verir ki, bu barədə “Hürriyet” qəzeti yazıb.
Türkiyə XİN başçısı rusiyalı həmkarı Sergey Lavrovun dəvəti ilə Moskvada iki günlük səfərdədir. O, ötən gün İstanbulda mayın 16-da keçirilən Ukrayna ilə danışıqlarda Rusiya nümayəndə heyətinə rəhbərlik edən prezidentin köməkçisi Vladimir Medinski ilə görüşüb. H.Fidanı həmçinin Rusiya Prezidenti Vladimir Putin qəbul edib.
“Hürriyet” qeyd edib ki, danışıqlarda digər vacib mövzu Suriyadakı vəziyyətdir. "Ankara Rusiyanın Suriyanın siyasi və ərazi bütövlüyünü dəstəkləməyə davam etməsini istəyir", - nəşr vurğulayıb.
Türkiyə XİN başçısının Moskvadakı görüşlərinin gündəliyində həmçinin ikitərəfli münasibətlər də var.
