AZ
RU
“E-sosial” vasitəsilə 23 mindən çox əmək müqaviləsi imzalanıb
Əmək və Əhalinin Sosial Müdafiəsi Nazirliyinin “e-sosial” portalının mobil tətbiqi vasitəsilə e-qaydada 23,2 min əmək müqaviləsi imzalanıb.
Yenixeber.org: Bu barədə Əmək və Əhalinin Sosial Müdafiəsi Nazirliyi məlumat yayıb.
Bildirilib ki, işəgötürən tərəfindən təsdiq üçün təqdim edilən əmək müqaviləsi vətəndaşın “e-Sosial” mobil tətbiqində əsas ekranın “Əmək müqaviləsinin imzalanması” bölməsində əks olunur.
Vətəndaşlar bu müqavilələri elektron şəkildə (“SİMA” rəqəmsal imza və ya “ASAN İmza” vasitəsilə) imzalaya bilirlər.
Qeyd edək ki, bu mobil tətbiqə cari ilin mart ayında əmək müqavilələrinin e-qaydada imzalanmasına imkan verən funksiya əlavə olunub.
