AZ
RU
Husi qiyamçılarının mövqeləri vuruldu -22 nəfər ÖLDÜ
ABŞ Ordusu Yəməndə husi qiyamçılarının mövqelərinə zərbələr endirib.
Yenixeber.org: Məlumata görə, Yəmənin "Al Masirah" telekanalı hücum nəticəsində 22 nəfərin həlak olduğunu, onlarla işçinin yaralandığını bildirib.
Məlumata görə, hücumlar cümə gecəsi Qırmızı dəniz sahilində yerləşən Əl-Hudeyda vilayətindəki Ras-İsa limanına, xüsusilə oradakı neft terminalına yönəlib.
ABŞ Silahlı Qüvvələrinin Mərkəzi Komandanlığı (CENTCOM) da məlumatı təsdiqləyib.
Qurum bəyan edib ki, amerikalı hərbçilərin endirdiyi zərbələr nəticəsində Yəmənin Qırmızı dəniz sahilində, Əl-Hudeydə vilayətində yerləşən Ras-İsa limanı tamamilə məhv edilib.
“Məqsəd İranın dəstəklədiyi husilərin yanacaq mənbəyini məhv etmək idi”, – deyə açıqlamada bildirilir.
"CENTCOM"un versiyasına görə, husilərin nəzarətində olan Ras-İsa limanının məhv edilməsi radikal qruplaşmanı neft məhsullarının satışından əldə edilən qanunsuz gəlirdən və yanacağa çıxış imkanından məhrum edib.
