Serbiya parlamenti Novi Sad stansiyasında damın çöküşü ilə əlaqədar baş verən kütləvi etirazlar fonunda hökuməti istefaya göndərib.

Yenixeber.org: Serbiya parlamenti Baş nazir Miloş Vuçeviçin və hökumətin istefasını qəbul edib.

“Bu gün hökumətin iclasında bütün hökumət üzvləri – mən, nazirlər və hökumət aparatı istefa verdik”, – Vuçeviç jurnalistlərə deyib.

Serbiya konstitusiyasına görə, hökumət istefa verdikdən sonra parlament yeni hökumət seçənə qədər vəzifədə qalır.

Əlavə olaraq, bütün hökumət texniki iş rejiminə keçir və yeni Nazirlər Kabinetinin formalaşdırılması üçün 30 günlük müddət başlayır.

Əgər aprelin 18-dək Nazirlər Kabinetinin yeni tərkibi formalaşdırılmasa, növbədənkənar parlament seçkiləri keçiriləcək.