AZ
RU
Ukraynaya işləyən qadın hərbçi saxlanıldı -Rusiyada
Rusiyanın Cənub Hərbi Dairəsinin hərbi hissələrindən birinin əməkdaşı dövlətə xəyanətdə və Ukrayna Müdafiə Nazirliyinin Baş Kəşfiyyat İdarəsinin əməkdaşlarına məlumat ötürməkdə şübhəli bilinərək saxlanılıb.
Yenixeber.org: Bu barədə Rusiya Federal Təhlükəsizlik Xidmətinin Rostov vilayəti üzrə idarəsi məlumat yayıb.
“Müəyyən edilib ki, Rostov sakini olan qadın “Siqnal” mesenceri vasitəsilə Ukrayna Müdafiə Nazirliyinin Baş Kəşfiyyat İdarəsinin nümayəndəsi ilə əlaqə saxlayıb. Ukrayna tərəfinin göstərişi ilə 2023-cü ilin yanvarında o, Cənub Hərbi Dairəsinin hərbi hissələrindən birində xidmətə başlayıb və burada rayonun tərkibinə daxil olan arsenallar, bazalar və anbarlar haqqında müxtəlif növ məlumatlar toplayıb. O, messencerdə yazışmalar zamanı toplanmış məlumatları xarici kəşfiyyat xidmətinə ötürüb. Şübhəli saxlanılıb”, - məlumatda bildirilib.
