Türk dünyasının bayraqdarı kimi tanınan Elman Türkoğlu da Milli Məclisdə təmsil olunmağa iddialıdır

Meydan Hərəkatının fəallarından olan, daha çox Elman Bayraqdar kimi tanınan Elman Türkoğlu 73 saylı Masallı - Cəlilabad Seçki Dairəsindən parlament seçkilərinə namizədliyini verib. Bu haqda Yenixeber.org-a Elman bəy özü məlumat verib: Mən Meydan Hərəkatının ilk günlərindən Azərbaycanın müstəqilliyi uğrunda mübarizə aparanlardanam. Bu mübarizədə mənim rolum və yerim hər kəsə məlumdur. Dünən mübarizəmizin müstəvisi başqa idi, bu gün isə fərqlidir...

Dostların, ətrafımın məsləhəti, bir az da təkidi ilə parlament seçkilərinə 73 saylı Masallı- Cəlilabad Seçki Dairəsindən qatılmağa qərar verdim. Azərbaycanın hər parçası kimi bu bölgə də, mənim üçün doğmadır. Doğulub, byüdüyüm ocaqdır.

Onu da deyim ki, mən Klassik Xalq Cəbhəsi Partiyasının üzvü olmağıma baxmayaraq, namizədliyimin partiyaya aidiyyatı yoxdur. Bu seçkilərə partiya üzvü kimi deyil, müstəqil Elman Türkoğu olaraq qatılmışam. Əminəm ki, hər şey yaxşı olacaq.