AZ
RU
Hüquq Müdafiə Təşkilatlarının Monitorinq Qrupunun üzvləri Novella Cəfəroğlu, Səadət Bənənyarlı, Səidə Qocamanlı və Çingiz Qənizadə bu gün "Kanal 13" internet televiziyasının həbs edilmiş rəhbəri Əziz Orucovun ailəsini onların xahişi ilə qəbul edib.
Yenixeber.org: Monitorinq Qrupunun yaydığı məlumata əsasən, ailə üzvlərindən Əziz Orucovun anası Almaz Həsənova və həyat yoldaşı Lamiyə Orucova qəbul edilib.
Görüş zamanı Əziz Orucovun ailə üzvlərinin şikayətləri dinlənilib, müəyyən suallara Monitorinq Qrupunun üzvləri tərəfindən cavab alınıb.
Qərara alınıb ki, Əziz Orucovun işi Hüquq Müdafiə Təşkilatlarının Monitorinq Qrupunun nəzarətinə götürülsün. Bu işlə bağlı hüquq-mühafizə orqanlarının rəhbərləri ilə görüşmək üçün müraciət ediləcəyi qeyd olunub.(musavat)
