AZ
RU
Yenixeber.org: İranın Tibb sisteminin Ali Şurasının üzvü Behnam Abbasiyan səhiyyə siyasətinin dəyişməyəcəyi halda, yaxın vaxtlarda Əfqanıstan və Pakistan kimi qonşu ölkələrdən həkim və diş həkimlərinin işə götürülməsinin lazım gələ biləcəyi barədə xəbərdarlıq edib.
O, İbrahim Rəisi hökumətini səhiyyə və müalicə sektorunda apardığı yarıtmaz siyasətdə, iranlı həkim və stomatoloqları dəstəkləməməkdə günahlandırıb.
“Səhiyyə nazirliyi stomatoloqların işdən kənar vaxtlarda işləməsinə mane olur. İndi, əlverişsiz ərazilərdə işləyən diş həkiminin aldığı maaş ayda 12 milyon tüman civarındadır, amma diş həkiminin ev və ofis kirayələyib dolanışığını təmin etmək üçün ən azı 40-50 milyon tümən olmalıdır”, Abbasiyan deyib.
Yeri gəlmişkən, bir neçə gün əvvəl İranın tibb sisteminin rəhbəri tibb ictimaiyyəti tərəfindən “iş miqrasiyası və xaricə miqrasiya” ilə bağlı xəbərdarlıq edərək, “həkimlərin boşaldılmasını” ölkənin “ciddi” böhranı adlandırıb.
Qonşu ölkədə həkim qıtlığı yaşanır
Son vaxtlar ölkədə yaşanan proseslər fonunda əksər peşəkar həkimlərin xaricə üz tutması İranın səhiyyə sahəsində ciddi kadr çatışmazlığı problemi yaradıb.
