AZ
RU
Ukraynadan 7 milyondan çox qaçqın Avropa ölkələrinə gedib
Birləşmiş Millətlər Təşkilatının (BMT) Qaçqınlar üzrə Ali Komissarlığının (BMT QAK) hesablamalarına görə, 2022-ci il fevralın 24-də hərbi əməliyyatlar başlayandan noyabrın 15-dək Ukraynadan Avropaya ümumilikdə 7 milyon 841 min 359 qaçqın gedib. Son bir həftə ərzində onların sayı daha 19 050 nəfər artıb.
Yenixeber.org: Bu barədə BMT QAK-ın məlumatında deyilir.
Komissarlıqda mövcud olan məlumata görə, ən çox qaçqını Rusiya qəbul edib - 2 852 395. Siyahıda ondan sonra Polşa (1 497 849), Almaniya (1 019 789), Çexiya (460 415), İtaliya (173 231), İspaniya (153 054), Bolqarıstan (145 560), Türkiyə (145 000), Böyük Britaniya (143 100), Fransa (118 994) və Slovakiya (100 783) gəlir. Digər ölkələrdə isə bu rəqəm 100 000-i keçmir.
BMT QAK-ın məlumatına görə, fevralın 24-dən sonra Ukraynadan qonşu ölkələrə 15 354 147 nəfər gəlib. Eyni zamanda 7 milyon 747 min 450 nəfər sərhədi əks istiqamətdə keçib.
