Yenixeber.org: M.Nəvaz bunu Londonda keçirdiyi mətbuat konfransında açıqlayıb. Bildirib ki, İ.Xan ictimai mitinqlər və uzun yürüş zamanı mübahisəli bəyanatlar verərək hazırkı hökumətin növbəti ordu rəisini təyin etməsinə mane olmağa çalışır. Qeyd edib ki, növbəti ordu rəisinin təyinatı qaydalara uyğun olaraq baş tutacaq, İmran Xanın növbəti ordu rəisinin təyin olunması ilə heç bir əlaqəsi yoxdur. Hərbi komandirin təyin edilməsi Baş nazir Şahbaz Şərifin qanuni və konstitusion hüququdur. İmran Xan bilməlidir ki, təyinat prosesi dostcasına baş verəcək: “O, artıq Pakistan siyasətində maraqlı tərəf deyil, bölgü və nifrət dizaynlarında uğursuz olacaq. Koalisiya hökuməti onun uzun yürüşündən də narahat deyil. Onlar 2000 və ya 20000 insan gətirsələr də, biz silahlı qrupların tələblərinə qulaq asmayacağıq. Onlar demokratik insanlar deyil. Onlar siyasi terrorçulardır”.

M.Nəvaz daha bir qalmaqala səbəb olacaq xəbəri açıqlayaraq deyib ki, İ.Xan Toşaxanadakı qiymətli zinət əşyalarını götürüb satıb: “O, 20 milyon rupi dəyərində olan zinət əşyalarımı alıb və 220 milyon rupiyə satıb. İmran Xan indiyədək Toşaxanadan 500 milyon rupi oğurlayıb”.

Xatırladaq ki, bu gün İmran Xanın sui-qəsdə məruz qaldığı xəbəri verilib. Onun yaralandığı bildirilir.