AZ
RU
COVID peyvəndi vurdurmuş şəxslərin tam peyvənd olunmuş kimi tanınmasına çağırış edib -ÜST
Ümumdünya Səhiyyə Təşkilatının Azərbaycan Nümayəndəliyinin rəhbəri Hande Harmancı vaksinlərin ölkələrdə qarşılıqlı tanınması məsələsini şərh edib.
Yenixeber.org: H. Harmancı bildirib ki, Ümumdünya Səhiyyə Təşkilatının COVAX mexanizmi bütün dünyada insanların sağlamlığını qorumaq üçün COVID-19 peyvəndlərinə ədalətli əlçatanlıq prinsipi əsasında qurulub:
“Bu, onların həyatlarını və dolanışıq vasitələrini, o cümlədən səyahət və ticarət etmək imkanlarını qorumaq deməkdir. Dünyanın bəzi yerlərində səyahət və digər imkanlar üçün məhdudiyyətlər aradan qalxdığı üçün COVAX bütün regional, milli və yerli hökumət orqanlarını Ümumdünya Səhiyyə Təşkilatı tərəfindən təhlükəsiz və effektiv hesab edilən COVID-19 peyvəndi vurdurmuş bütün insanları tam peyvənd olunmuş kimi tanımağa çağırır. Bu məsələdə tövsiyələrimiz cari dövr üçün də dəyişməz olaraq qalır” , o qeyd edib.
