AZ
RU
Dövlətə xəyanətdə ittiham olunan -Poroşenkonun məhkəməsi keçirilir
Ukraynanın keçmiş Prezidenti Petro Poroşenko Polşanın paytaxtı Varşava şəhərindən məhkəməsində iştirak etmək üçün Ukraynanın paytaxtı Kiyevə gəlib.
Yenixeber.org: “RİA Novosti” xəbər verir ki, Poroşenko dövlətə xəyanətlə bağlı işinə baxılmalı olan Peçersk Rayon Məhkəməsinə gəlib.
Məhkəmə binasında tərəfdarları qarşısında çıxış edən eks-prezident məhkəmə iclasının “satqınlar tərəfindən təşkil edildiyini” deyib.
Daha sonra onun barəsində veriləcək qərarla bağlı məhkəmə iclasında fasilə elan edilib. Eks-prezidentin həbs olunacağı gözlənilir.
Qeyd edək ki, Poroşenko 2014-cü ildən 2019-cu ilə qədər Ukraynanın Prezidenti olub. Kiyev şəhərinin Peçerski Rayon Məhkəməsi yanvarın 6-da Poroşenkonun əmlakına həbs qoyub. O, dövlətə xəyanət də daxil olmaqla, bir neçə maddə üzrə ittiham olunur.
