AZ
RU
Vətəndaşların kommunal problemlərlə bağlı müraciətlərinə baxılması elektronlaşdırılır
“ASAN müraciət” informasiya sistemi ictimai xarakter daşıyan kommunal, yol və nəqliyyat problemləri, infrastrukturun cari təmiri, abadlaşdırılması və təmizliyi ilə bağlı müraciətlərin elektron xəritə üzərində qeyd edilməklə, operativ surətdə “ASAN müraciət” informasiya sisteminin fəaliyyətində iştirak edən aidiyyəti dövlət qurumlarına göndərilməsini və istifadəçi tərəfindən həmin müraciətlərə baxılmanın nəticələrinin sistem üzərindən izlənilməsini təmin edəcək.
Yenixeber.org: Bu, Nazirlər Kabinetinin təsdiq etdiyi “ASAN müraciət” informasiya sistemi haqqında Əsasnamədə əksini tapıb.
“ASAN müraciət” informasiya sisteminin fəaliyyətinin təşkili, idarə olunması və təkmilləşdirilməsi ilə bağlı xərclər dövlət büdcəsindən ayrılan vəsait və qanunla qadağan olunmayan digər mənbələr hesabına maliyyələşdiriləcək.
AMİS-dən istifadə ödənişsiz olacaq.
“ASAN müraciət” informasiya sisteminin fəaliyyətində iştirak edən qurumların SİYAHISI
|
Sıra №-si |
Qurumun adı |
|
1. |
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi |
|
2. |
Yerli icra hakimiyyəti orqanları |
|
3. |
Azərbaycan Avtomobil Yolları Dövlət Agentliyi |
|
4. |
Dənizkənarı Bulvar İdarəsi |
|
5. |
“İçərişəhər” Dövlət Tarix-Memarlıq Qoruğu İdarəsi |
|
6. |
“Azərişıq” Açıq Səhmdar Cəmiyyəti |
|
7. |
“Azərsu” Açıq Səhmdar Cəmiyyəti |
|
8. |
“Azərenerji” Açıq Səhmdar Cəmiyyəti |
|
9. |
“Azəristiliktəchizat” Açıq Səhmdar Cəmiyyəti |
|
10. |
Azərbaycan Respublikası Dövlət Neft Şirkətinin “Azəriqaz” İstehsalat Birliyi |
