Dünyada inflyasiya və bu barədə proqnozlar yüksələrkən, bir çox mərkəzi bank faiz artırıb, ya da bunun siqnallarını verməyə başlayıb.

Yenixeber.org: Sentyabr ayından başlayaraq bir çox ölkədə faizlər artıb. Braziliya, Rusiya, Pakistan, Azərbaycan, Ermənistan, Moldova, Çili, Paraqvay, Peru, Rumıniya, Yamayka, Uruqvay, Kolombiya, Macarıstan, Çexiya, Yeni Zelandiya, Polşa, İslandiya və Noveç 1 sentyabr-19 oktyabr dövründə mərkəzi banklarının pul siyasəti faizinin artırılmasına imza atan ölkələrdir.

2021-ci ildə dünyada faiz endiriminə gedən 5 ölkə var. Bu ölkələr Türkiyə, Konqo, Uqanda, Danimarka, Qana və İndoneziyadır. Ancaq bu ölkələrdən yalnız Türkiyə və Danimarka payız dövründə faiz endiriminə gedib. Mərkəzi bankların payızda faiz artımı “fırtınası”nın hansı təsirləri ola bilər?

İqtisadçı-alim Fuad İbrahimov bildirib ki, əslində bu, bir bank alətidir və bazar iqtisadiyyatı dəyərlərinə bağlı olan göstəricilər olduqda, faiz dərəcələri artdıqda bank faizləri də artır:

“Bank faizləri artdıqda investisiya maraqları da artır. Uçot dərəcələrinin azalması, həqiqi bazar istisadiyyatının tələblərinə cavab verən iqtisadiyyatda belə olanda faiz azalmalıdır. Bu isə iqtisadiyyatda əhəmiyyətli drayver olmur. Digər iqtisadiyyatlarda isə aktivliyə, yaxud passivliyə keçə bilər. Bizdəki vəziyyətlə bağlı hər hansı təhlükə yoxdur. Nə müsbət, nə mənfi heç nə olmayacaq. İnflyasiyaya təsirinə gəldikdə isə onun hazırda elə bir mahiyyəti yoxdur.Bu, daha çox bankın öz aktivləri ilə bağlıdır”.