AZ
RU
Avropa Birliyi ilə Belarus arasında vəziyyətin gərginləşdiyi bir vaxtda 12 belaruslu əsgər Litva ərazisinə daxil olub.
Yenixeber.org: 12 zirehli gödəkçəli və silahlı Belarus əsgəri Litva ərazisinə keçib. Bu barədə Litva ilə Belarus arasındakı sərhəd-keçid məntəqəsində dayanan nəzarətçilər məlumat verib. Maraqlıdır ki, belaruslu hərbçilər özləri ilə 35 iraqlı miqrantı da Litva sərhədlərinə keçiriblər.
Rəsmi Vilnus bir müddət əvvəl Minskin xüsusi təyyarə ilə iraqlı miqrantları Litvaya göndərdiyini bildirib. Verilən məlumata görə, belaruslu əsgərlərə xəbərdarlıq edilib, ancaq onların sonrakı taleyi haqqında məlumat verilmir. Rəsmi Vilnus son 7 ay ərzində 4124 dəfə ölkə sərhədlərinin belaruslular tərəfindən pozulduğunu bəyan edib.
