Amerika Birləşmiş Ştatlarının (ABŞ) keçmiş prezidenti Donald Tramp hesab edir ki, Çin hakimiyyəti yeni koronavirusun Uhan laboratoriyasından yayılmasını təsdiqləyən sübutları guya məhv edib.

Yenixeber.org: Bu qənaətlə keçmiş Amerika lideri «Fox News» telekanalının jurnalistlərinə müsahibəsində çıxış edib. Müsahibənin epizodları iyunun 23-də dərc olunub.

Eks-prezidentin bəyan etdiyi kimi, o, əvvəlcə buna əmin olub ki, yeni koronavirus Çin laboratoriyasından yayılmağa başlayıb.

«Mən, hesab edirəm ki, bu, böyük ehtimalla təsadüfdür. Elələri də var ki, bunun təsadüf olmadığını düşünürlər» - Tramp deyib.

Bu «çəkişmənin» uğurlu olub-olmayacağı barədə suala cavab verərkən, Tramp deyib: «Mən, belə fikirləşmirəm, çünki Çin artıq güman ki, bir çox sübutlardan qurtulub. İndi artıq çox gecdir. Mən hesab edirəm ki, sübutlara ciddi ziyan vurulub».

Məlum olduğu kimi, mart ayında beynəlxalq ekspertlər qrupu Cenevrədə Çinə səfər barədə hesabatını dərc edib. Mütəxəssislər birimənalı nəticəyə gəlməyiblər və hesab edirlər ki, ilk yoluxma halı güman ki, heyvanlar arasında təmas zamanı baş verib, ardınca isə onlardan insan yoluxub. Pandemiyanın mənşəyinin laboratoriyadan baş qaldırması barədə hipotezi isə ekspertlər az ehtimal olunan hesab ediblər.