Bakıda məşhur göz həkimi Cahid Şahbazovun QUDURĞANLIĞI... - » Yenixeberorg.com

Bakıda məşhur göz həkimi Cahid Şahbazovun QUDURĞANLIĞI... -BU NƏDİ BELƏ?

Bakıda tanınmış “Kaddeh” restoranında xoşagəlməz hadisə yaşanıb.
Yenixeber.org: Redaksiyamıza daxil olan məlumata görə, məşhur göz həkimi Cahid Şahbazov içkili halda restoranda davaya səbəb olub.
Belə ki, o, Birinci Qarabağ müharibəsi qazisinin qızı Günel Məmmədovaya (ad və soyad şərtidir-red.) qarşı əxlaqsız hərəkətlər edib. Günel Məmmədova özü bu haqda saytımıza məlumat verib:
“Xalq artisti Aygün Kazımovanın pərəstişkarı olduğuma görə, dünən “Kaddeh” restoranındakı çıxışı üçün bilet aldım. Aygün xanım ifa edən zaman ona yaxınlaşaraq videoya çəkməyə başladım. Daha sonra Cahid Şahbazov gəldi və mənə toxundu. Əvvəl düşündüm ki, insandır, keçərkən istəmədən toxuna bilər. Lakin yanılmışam. Adam məni tanımadan qucaqlamağa başladı. Mən onu rədd etdikdə isə “izin verməyəcəkdinsə, bura niyə gəlirdin” dedi. Onu itələyib, uzaqlaşdım və dərhal yoldaşıma zəng etdim”.
G.Məmmədova deyir ki, restoran sahibi həkimi oradan uzaqlaşdırmaqdan imtina edib:
“Yoldaşım restorana gəldikdə artıq özümdə deyildim. Çox qorxmuşdum. Həm də dalaşmışdım deyə təzyiqim yüksəlmişdi. Restoran sahibindən həkimin bu hərəkətindən sonra niyə onu kənarlaşdırmadığını soruşduqda “Onlar 20 nəfərlik masa götürüblər, qova bilmərəm” dedi.
Hadisə yerinə polis və təcili yardım briqadası gəldi. Təəssüf ki, restoran sahibi Cahid Şahbazovu deyil, bizi oradan uzaqlaşdırdı. Yoldaşıma restorana daxil olmağa icazə vermirdi, əksinə, işçilərə yoldaşımı uzaqlaşdırmağı tapşırırdı. Sağ olsun polislərimiz, gəlib Cahid Şahbazovu bölməyə apardılar”.
Cahid Şahbazovun və “Kaddeh” restoranının rəhbərliyinin mövqeyini dərc etməyə hazırıq.(Globalinfo.az)

Facebook-da paylaş

Tarix: 01-10-2023 22:48

Bənzər xəbərlər

“GÖRÜŞMƏMİŞİK, AMMA TELEFONLA DANIŞMIŞIQ…” –“Biz həmişə onu dəstəkləməyə hazırıq” (III HİSSƏ)

Mədəniyyət xadimləri və yaradıcı şəxslər xalqa müraciət ünvanlayıb

“Uluyol-Hünər” və “Ulufərəh” ailələrinin fikirləri

DAYAQ

“BİR ARZUM VARDI: CƏNUBİ və ŞİMALİ AZƏRBAYCAN BİRLƏŞSİN!” -Heydər Əliyevin tarixi MÜSAHİBƏSİ

DAYAQ

Yeni xəbərlər

Yenixeber Tv

Reklam

Reklam

De-fakto

Ən çox oxunanlar

Diqqət! Saytdakı materialların istifadəsi zamanı istinad edilməsi vacibdir.